• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سرکاری اراضی پر قبضوں میں حکومتی لوگ شامل ہوتے ہیں، حسان خاور

ترجمان پنجاب حکومت حسان خاور کا کہنا ہے کہ سرکاری اہلکاروں کی ملی بھگت کے بغیر قبضہ نہیں ہو سکتا، آئندہ غفلت کے مرتکب سرکاری اہلکاروں کو شریک جرم سمجھا جائے گا، سرکاری اراضی پر قبضوں میں حکومتی لوگ ضرور شامل ہوتے ہیں۔

حسان خاور نے میڈیا سے گفتگو کرتے ہوئے کہا ہے کہ قبضہ مافیہ کیخلاف کارروائی سیاسی انتقام نہیں ہے، ایک لاکھ 88 ہزار سرکاری اراضی واگزار کرائی جاچکی، واگزار کرائی گئی زمینیں اپنے اپنے محکموں کو واپس کی جا رہی ہیں، قبضہ مافیا قبضے کے دوران کسی بھی حد تک جا سکتا ہے، قبضہ مافیا عمارتوں کو جلانے سے بھی گریز نہیں کرتا۔

انہوں نے مزید کہا کہ قبضہ مافیا انسانی جانوں کا بھی خیال نہیں کرتا، اینٹی کرپشن اور پولیس نے قبضہ مافیا کیخلاف بھرپور کردار ادا کیا ہے۔

ان کا یہ بھی کہنا تھا کہ قبضہ مافیا کیخلاف کسی قسم کی رعایت نہیں کی جائے گی، کردار کشی اور ذاتی حملے مسلم لیگ ن کا وتیرہ رہا ہے، 5 ہفتوں میں باقی کی سرکاری اراضی بھی قبضہ مافیا سے واگزار کرا لیں گے۔

قومی خبریں سے مزید