• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشز کے پہلے 2 ٹیسٹ کیلئے آسٹریلیا کے 15 رکنی اسکواڈ کا اعلان

آسٹریلیا نے ایشیز سیریز کے پہلے 2 ٹیسٹ میچز کیلئے انگلینڈ کے خلاف اپنی 15 رکنی ٹیم کا اعلان کردیا ہے۔

کرکٹ آسٹریلیا کے مطابق ٹم پین کی دستبرداری کے بعد وکٹ کیپر ایلیکس کیرے کو اسکواڈ میں شامل کر لیا گیا ہے وہ سیریز میں ڈیبیو کریں گے۔

آسٹریلیا کی جانب سے فاسٹ بولر پیٹ کمنز پہلی بار ٹیم کی قیادت کریں گے، دونوں ٹیموں کے مابین پہلا ٹیسٹ میچ 8 دسمبر سے برسبین میں شروع ہوگا۔

واضح رہے کہ سابق آسٹریلوی کپتان ٹم پین نے غیر اخلاقی ٹیکسٹ کا اسکینڈل منظر عام پر آنے کے بعد پہلے تو ٹیسٹ کپتانی چھوڑی اس کے بعد انہوں نے کرکٹ سے بریک بھی لے لیا ۔

دوسری جانب کپتان نامزد ہوجانے کے بعد پیٹ کمنز کا اپنے ایک بیان میں کہنا تھا کہ قومی ٹیم کا کپتان بننا اعزاز کی بات ہے، میں اپنا بہترین دینے کی کوشش کروں گا، انہوں نے مزید کہا کہ یہ میری خوش قسمتی ہے کہ میرے ساتھ اسٹیو اسمتھ ٹیسٹ ٹیم کے نائب کپتان ہیں۔

کھیلوں کی خبریں سے مزید