فرمان الہی
نماز کے اوقات
کراچی(اسٹاف رپورٹر)ٹیسٹ کرکٹر عابد علی دل میں اسٹنٹ ڈالنے کے بعد اب لاہور میں ری ہیب کے مرحلے سے گذر رہے ہیں۔ ڈاکٹروں نے امید دلائی ہے کہ وہ کچھ عرصے بعد کرکٹ میں واپس آسکتے ہیں البتہ اس کا انحصار ان کی رپورٹس پر ہوگا۔ کرکٹ میں واپسی کے لئے عابد علی کو جلد بازی سے گریز کرتے ہوئے محتاط انداز میں آگے بڑھنا ہوگا ۔ آسٹریلیا کے خلاف ہوم سیریز میں ان کی شرکت کا کوئی امکان نہیں ہے۔ پی سی بی نےعابد علی ٹیسٹ کرکٹر آف دی ائیر کے لئے نامزد کیا ہے۔ عابد علی کہتے ہیں کہ ایوارڈ کے لئے نامزد ہونے پر جتنا شکر ادا کروں کم ہے ۔ ایوارڈ ملنا اضافی حوصلہ افزائی ہے نہ بھی ملے دکھ کی بات نہیں۔ وطن کی نمائندگی ایسا ایوارڈ ہے جو ہر لمحہ بہتر کارکردگی کے لئے متحرک رکھتا ہے ۔ سب سے دعاوں کے لئے درخواست ہے ۔ پی سی بی ایوارڈ یافتگان کا اعلان جمعرات کو کرے گا۔
