فرمان الہی
نماز کے اوقات
کراچی ( اسٹاف رپورٹر)کراچی کے علاقے کورنگی کریک میں پلاٹ میں لگی آگ کادائرہ مزید پھیل گیا ہے ، آگ بجھانے کیلئے امریکی ماہرین کی ٹیم کی خدمات حاص کرلی گئیں جبکہ گڑھے میں سیمنٹ بھرنے کی حکمت عملی پر غور کیا جارہا ہے ۔
تفصیلات کے مطابق کراچی کے علاقے کورنگی کریک میں لگنے والی آگ 2ہفتے گزرنے کے باوجود مکمل طور پر قابو میں نہیں آسکی۔ متاثرہ مقام سے گیس کا اخراج جاری ہے، جس کے باعث گڑھے کی جسامت میں اضافہ ہو رہا ہے۔
آگ کی شدت برقرار ہے جبکہ گرم پانی کا اخراج بھی جاری ہے۔صورتحال کی سنگینی کے پیش نظر چیف سیکریٹری سندھ آصف حیدر شاہ کی ہدایت پر وزارتِ پیٹرولیم نے ایک امریکی ماہر ٹیم کی خدمات حاصل کر لی ہیں۔
امریکی ماہرین کورنگی کریک میں گیس اخراج اور آگ پر قابو پانے میں پاکستان پیٹرولیم لمیٹڈ (PPL) اور یو ای پی ایل (UEPL) کی تکنیکی ٹیموں کے ساتھ تعاون کر رہے ہیں۔
چیف سیکریٹری کے ترجمان کے مطابق، ماہرینِ ڈرلنگ، کمپلیشن اور سیفٹی پر مشتمل ٹیم نے متاثرہ مقام کا معائنہ کیا۔
معائنے کے دوران یہ مشاہدہ کیا گیا کہ آگ کی شدت میں کوئی خاص کمی نہیں آئی ہے، جبکہ گیس کی مقدار کے باعث گڑھا مزید گہرا اور چوڑا ہو گیا ہے۔
