فرمان الہی
نماز کے اوقات
جوہانسبرگ (جنگ نیوز) جنوبی افریقا نے بھارت کے خلاف دوسرے ٹیسٹ میں فتح اورسیریز برابر کرنے کی جانب قدم بڑھادیے۔ پروٹیز نے کو کامیابی کیلئے240 رنز کا ہدف ملا جس میں سے انہوں نے دو وکٹ پر 118 رنز بنالیے ہیں، کامیابی اسے اب 122 رنز کی ضرورت ہے۔ کپتان ڈین ایلگر 46 اور وان ڈر ڈسان 11 رنز پر کھیل رہے ہیں۔ ایڈن مارکرم 31 اور کیگان پیٹرسن 28 رنز بناکر آئوٹ ہوگئے۔ اس سے قبل بدھ کو تیسرے روز بھارتی ٹیم اپنی دوسری اننگز میں 266 رنز بناکر آل آؤٹ ہوگئی ۔ اجنکیا رہانے 58اور چتیشور پجار53 رنز اسکور کرکے نمایاں رہے۔ ربادا ، مارکو جینسن اور لنگی نگیدی نے 3،3 جبکہ ڈوین اولیور نے ایک حاصل کی۔
