فرمان الہی
نماز کے اوقات
جوہانسبرگ (جنگ نیوز) جنوبی افریقہ نے بھارت کو دوسرے ٹیسٹ میں 7 وکٹوں سے باآسانی شکست دیکر تین میچز کی سیریز 1-1 سے برابر کردی ۔ کپتان ڈین ایلگر نے 240 رنز کا ہدف حاصل کرنے میں نمایاں کردار ادا کیا، وہ 96 رنز بناکر ناٹ آؤٹ رہے۔میچ چار دن چل سکا، لو اسکورنگ میچ خراب موسم سے متاثر رہا، چوتھے روز بارش کے باعث کھیل مقررہ وقت پر شروع نہ ہو سکاتھا۔ جمعرات کو پروٹیز کو فتح کے لیے 122 رنز درکار تھے۔ کپتان ڈین ایلگر اور وین ڈر ڈوسان نے 82 رنز کی شراکت بناکر ہدف آسان کردیا۔ ڈوسان 40 رنز بناکر آؤٹ ہوئے تاہم ان کے بعد ڈین ایلگر 96 اور ٹیمبا باوما 23 رنز بناکر ناٹ آؤٹ رہے۔ بھارت کے ایشون ، شردول اور محمد شمی ایک ایک وکٹ حاصل کر سکے، کپتان ڈین ایگلر کو میچ کا بہترین کھلاڑی قرار دیا گیا۔ جبکہ سیریز کا ایک میچ باقی ہے۔
