موبائل سے کھلنے اور چلنے والی دنیا کی پہلی گاڑی

10 جنوری ، 2022

چین کی ٹیکنالوجی کمپنی نے جدید ترین گاڑی متعارف کرا ئی ہے جسے موبائل کی مدد سے کھولا اور چلایا جاسکے گا۔ ایک رپورٹ کے مطابق کمپنی نے اسے بالکل نئے انداز سے ڈیزائن کیاہے۔ یہ دنیا کی پہلی گاڑی ہے جو ہائبرڈ ہے اور کمپنی کےاپنے آپریٹنگ سسٹم ،ہارمنی کو استعمال کرے گی ۔کمپنی کے چیف ایگزیکٹیوآفیسر یوچینگ ڈونگ کے مطابق یہ دنیا میں متعارف ہونے والی پہلی ڈیجیٹل چابی والی گاڑی ہے، جس میں بلیو ٹوتھ اور ایف ایف سی سپورٹ دی گئی ہے۔

ایف فائیو گاڑی دیگر کے مقابلے میں اس لیے منفرد اور جدید ہے کہ اس کا لاک کھولنے اور اسٹارٹ کرنے کے لیے عام چابی کی طرح ضرورت پیش نہیں آئے گی بلکہ ہارمنی آپریٹنگ سسٹم والے موبائل کی مدد سے سارے امور انجام دیے جاسکیں گے۔ڈیجیٹل چابی کو بلیوٹوتھ اور این ایف سی کے ذریعے استعمال کیا جاسکے گا، اگر صارف کا موبائل بند ہوجائے گا تو چابی بھی کام نہیں کرے گی۔

سائنس اینڈ ٹیکنالوجی سے مزید