• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سربیا کے صدر آسٹریلوی حکام پر برہم

تازہ ترین
بین الاقوامی خبریں
16 جنوری ، 2022
سربیا کے صدر آسٹریلوی حکام پر برہم

سربیئن ٹینس اسٹار نوواک جوکووچ کے خلاف آسٹریلوی عدالت کے فیصلے کے پیشِ نظر سربیا کے صدر الیگزینڈر ووجچ آسٹریلوی حکام پر برہم ہو گئے۔

غیر ملکی خبر رساں ادارے کے مطابق سربیئن صدر کا کہنا تھا کہ آسٹریلیا نے 10 روز تک جوکووچ کے ساتھ برا رویہ اپنائے رکھا، آسٹریلوی حکام کا خیال ہے کہ انہوں نے جوکووچ کی تذلیل کی ہے۔

انہوں نے مزید کہا کہ آسٹریلیا نے عدالتی فیصلے سے خود اپنی تذلیل کی ہے، جوکووچ سر اٹھا کر اپنے ملک واپس آئیں گے۔

نوواک جوکووچ ویزا منسوخی کے فیصلے پر انتہائی مایوس

سربین ٹینس اسٹار نوواک جوکووچ کا کہنا ہے کہ وہ ججوں کی جانب سے ویزا منسوخی کا فیصلہ برقرار رکھنے پر انتہائی مایوس ہوئے ہیں

خیال رہے کہ آسٹریلین فیڈرل کورٹ نے سربین ٹینس اسٹار نوواک جوکووچ کی ویزا منسوخی کے خلاف اپیل مسترد کر دی تھی۔

نوواک جوکووچ کی بے دخلی کے خلاف اپیل کی سماعت فیڈرل کورٹ کے چیف جسٹس کی سربراہی میں فل بنچ نے کی تھی۔

آسٹریلین حکومت نے کورونا ویکسین نہ لگوانے پر جوکووچ کا ویزا منسوخ کر دیا تھا۔

سربیئن ٹینس اسٹار نے ویزے کی منسوخی کے خلاف اپیل دائر کی تھی۔

نوواک جوکووچ کی ویزا اپیل آسٹریلین فیڈرل کورٹ نے مسترد کر دی

آسٹریلین فیڈرل کورٹ نے سربین ٹینس اسٹار نوواک جوکووچ کی ویزا منسوخی کے خلاف اپیل مسترد کر دی ہے

آسٹریلوی میڈیا کے مطابق اپیل مسترد ہونے پر نوواک جوکووچ کو آسٹریلیا سے ملک بدر کر دیا جائے گا۔

عدالتی حکم کے مطابق جوکووچ ملک سے باہر جانے تک حراست میں رہیں گے۔

بین الاقوامی خبریں سے مزید