فرمان الہی
نماز کے اوقات
کراچی نیشنل اسٹیڈیم سے کرکٹ کے جنونی نوجوان مداح کی انوکھی ویڈیو سوشل میڈیا پر وائرل ہوگئی۔
جب کرکٹ کی بات آتی ہے پاکستانی شائقین کبھی بھی ہجوم کو حیران کرنے سے باز نہیں آتے، جب سے پاکستان سُپر لیگ (پی ایس ایل) کے ساتویں ایڈیشن کا آغاز ہوا ہے تو شائقینِ پر کرکٹ کا بخار بھی چڑھ گیا ہے اور ہر گزرتے ہوئے میچ کے ساتھ اسٹیڈیم کا موڈ بھی پُرجوش ہو رہا ہے۔
ملتان سلطانز اور اسلام آباد یونائیٹڈ کے درمیان ہونے والے میچ کے دوران، ایک مداح کو ایک ہی وقت میں کرکٹ کے بیشتر اہم ممالک کی جرسیاں پہنے دیکھا گیا۔
جب یونائیٹڈ اور سلطانز کا سنسنی خیز میچ جاری تھا تو اسی وقت اسٹیڈیم میں موجود ایک لڑکے نے کرکٹ کھیلنے والے بڑے ممالک کی پہنی ہوئی جرسیاں ایک ایک کرکے اُتارنا شروع کر دیں، لڑکے کے اس جنون نے فوری طور پر کیمرے اور تماشائیوں کی توجہ اپنی جانب کرلی۔
ویڈیو میں دیکھا جاسکتا ہے کہ ’ایک نوجوان مداح نے ایک ہی وقت میں تمام بڑے ممالک کی کرکٹ ٹیموں کی جرسیاں پہن رکھی تھیں۔‘
دوسری جانب’جرسی بوائے‘ کی ویڈیو سوشل میڈیا پر وائرل ہونے کے بعد ESPNcricinfo نے ٹوئٹ کیا کہ ’پی ایس ایل کو کوئی ہرا نہیں سکتا۔‘
