فرمان الہی
نماز کے اوقات
پاکستان سپر لیگ (پی ایس ایل) سیزن سیون میں آج سرفراز احمد کی کوئٹہ گلیڈی ایٹرز کا مقابلہ شاداب خان کی اسلام آباد یونائیٹڈ سے ہوگا۔
نیشنل اسٹیڈیم کراچی میں آج کھیلے جانے والا میچ پاکستانی وقت کے مطابق شام ساڑھے 7 بجے شروع ہوگا۔
کوئٹہ گلیڈی ایٹرز نے رواں ایونٹ میں 3 میچز کھیل لیے ہیں جبکہ اسلام آباد یونائیٹڈ نے دو میچز کھیلے ہیں، دونوں ٹیموں کو ایک، ایک کامیابی حاصل ہوئی ہے۔
ایونٹ میں اب تک کھیلے گئے میچز میں ملتان سلطانز 4 میچز جیتنے کے بعد 8 پوائنٹس کے ساتھ سرفہرست ہے، لاہور قلندرز نے دو میچز میں کامیابی حاصل کی ہے، اسلام آباد یونائیٹڈ، کوئٹہ گلیڈی ایٹرز، اور پشاور زلمی نے اب تک ایک، ایک میچ جیتا ہے جبکہ کراچی کنگز کو رواں سیزن میں کوئی کامیابی نصیب نہیں ہوئی۔
گزشتہ روز کھیلے گئے میچ میں لاہور قلندرز نے نے پشاور زلمی کو 29 رنز سے شکست دی تھی۔
خیال رہے کہ 27 جنوری سے شروع ہونے والے پی ایس ایل کا فائنل 27 فروری کو کھیلا جائے گا، ایونٹ میں ملتان سلطانز اپنے اعزاز کا دفاع کر رہی ہے۔
