فرمان الہی
نماز کے اوقات
نیشنل اسٹیڈیم کراچی میں کھیلے جارہے پاکستان سپر لیگ (پی ایس ایل) سیزن سیون میں آج دو میچز کھیلے جائیں گے۔
آج کھیلے جانے والے پہلے میچ میں لاہور قلندرز کا مقابلہ اسلام آباد یونائیٹڈ سے ہوگا، میچ پاکستانی وقت کے مطابق دوپہر 2:30 بجے شروع ہوگا۔
دوسرے میچ میں آج کراچی کے نیشنل اسٹیڈیم میں پشاور زلمی اور دفاعی چیمپئن ملتان سلطانز اِن ایکشن ہو گی، دونوں ٹیموں کے درمیان کھیلے جانے والا میچ ساڑھے 7 بجے شروع ہوگا۔
ایونٹ میں اب تک کھیلے گئے میچز میں ملتان سلطانز 4 میچز جیتنے کے بعد 8 پوائنٹس کے ساتھ سرفہرست ہے، اسلام آباد یونائیٹڈ، لاہور قلندرز اور پشاور زلمی نے دو، دو میچز میں کامیابی حاصل کی ہے، کوئٹہ گلیڈی ایٹرز نے اب تک ایک میچ جیتا ہے جبکہ کراچی کنگز کو رواں سیزن میں کوئی کامیابی نصیب نہیں ہوئی۔
گزشتہ روز کھیلے گئے میچ میں پشاور زلمی نے کراچی کنگز کو 9 رنز سے شکست دی تھی۔
پشاور زلمی نے مقررہ 20 اوورز میں 173 رنز بنائے تھے اور 174رنز کا ہدف دیا تھا، تاہم کراچی کنگز کپتان بابر اعظم کی 90 رنز کی ناقابل شکست اننگز کے باوجود 9 رنز سے ہار گئی۔
27 جنوری سے شروع ہونے والے پی ایس ایل 7 کا فائنل 27 فروری کو کھیلا جائے گا، ایونٹ میں ملتان سلطانز اپنے اعزاز کا دفاع کر رہی ہے۔
