• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چین اور روس میانمار کو ہتھیار دے رہے ہیں ، اقوام متحدہ

آج کا اخبار
یورپ سے
25 فروری ، 2022
نیویارک ( نیوز ڈیسک) اقوام متحدہ کے ایک ماہر امور برائے میانمار کا کہنا ہے کہ چین اور روس میانمار کو ہتھیار دے رہے ہیں۔ میانمار کے حوالے سے اقوام متحدہ کے خصوصی رپورٹر اور سابق امریکی رکن کانگریس تھامس اینڈریوز نے بتایا کہ دونوں ممالک گزشتہ برس فوجی بغاوت کے بعد سے میانمار کی عوامی حکومت کے خلاف طیارے اور عسکری گاڑیاں فراہم کررہے ہیں۔ انہوں نے کہا کہ فوجی بغاوت کے بعد سے شہریوں کے خلاف ہونے والے جرائم ، قتل عام اور زیادتیوں کے شواہد موجودہونے کے باوجود اقوام متحدہ کی سلامتی کونسل کے رکن روس اور چین نے میانمار کی فوجی جنتا کو فوجی طیارے اور بکتر بندگاڑیاں فراہم کی ہیں۔ اینڈریوز نے میانمار کی فوجی جنتا کو ہتھیار فراہم کرنے والے ممالک میں سربیا کا بھی نام لیا۔ اینڈریوز نے اقوام متحدہ کی سلامتی کونسل سے میانمار کو ہتھیاروں کی فراہمی پر پابندی لگانے کی اپیل کی ہے۔ انہوں نے کہاکہ اس بات میں کوئی دو رائے نہیں ہیں کہ میانمار کو منتقل کیے جانے والے ہتھیاروں کا استعمال شہریوں کو قتل کرنے کے لیے نہیں ہونا چاہیے۔ انہوں نے سلامتی کونسل سے کہا کہ تیل، گیس اور زرمبادلہ کے ذخائر تک فوج کی رسائی کو منقطع کر دیا جائے۔ انہوں نے عالمی برادری سے مطالبہ کیا کہ وہ میانمار سے بانس اور قیمتی پتھر نہ خریدے۔
یورپ سے سے مزید