• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ترین گروپ کا پالیسی کو حتمی شکل دینے کا فیصلہ

تازہ ترین
قومی خبریں
30 مارچ ، 2022


موجودہ سیاسی صورتِ حال میں حکمراں جماعت پاکستان تحریکِ انصاف (پی ٹی آئی) کے جہانگیر ترین گروپ نے پالیسی کو حتمی شکل دینے کا فیصلہ کر لیا۔

اس ضمن میں جہانگیر ترین گروپ نے کل باضابطہ مشاورتی اجلاس لاہور میں طلب کر لیا۔

اس حوالے سے ترین گروپ کے رہنما عون چوہدری کا کہنا ہے کہ اجلاس کل شام 5 بجے اسحاق خاکوانی کی رہائش گاہ پر ہو گا۔

یہ بھی پڑھیے

انہوں نے بتایا ہے کہ غیر رسمی مشاورت آج بھی جاری رہے گی، تاہم باضابطہ اجلاس کل ہو گا۔

عون چوہدری نے بتایا ہے کہ کل کے اجلاس میں ارکانِ پنجاب اسمبلی اور وزراء کو مدعو کیا گیا ہے۔

’’کس کی حمایت کرنی ہے؟ کل پالیسی بنائی جائیگی‘‘

ان کا مزید کہنا ہے کہ پنجاب میں کس کی حمایت کرنا ہے اس حوالے سے پالیسی بنائی جائے گی۔

جہانگیر ترین گروپ کے رہنما کا یہ بھی کہنا ہے کہ اجلاس میں وفاقی وزراء، مسلم لیگ ن اور چوہدری برادران کے رابطوں کا جائزہ بھی لیا جائے گا۔

قومی خبریں سے مزید