• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گورنرہاؤس کو حمزہ شہباز کی کامیابی کا نوٹیفکیشن موصول

اعظم ملک
تازہ ترین
قومی خبریں
17 اپریل ، 2022
گورنرہاؤس کو حمزہ شہباز کی کامیابی کا نوٹیفکیشن موصول

ڈپٹی اسپیکر لاہور کے آفس سے گورنرہاؤس کو حمزہ شہباز کی بطور وزیرِ اعلیٰ پنجاب کامیابی کا نوٹیفکیشن موصول ہو گیا۔

نوٹیفکیشن کے مطابق حمزہ شہباز پنجاب کے نئے قائدِ ایوان منتخب ہو چکے ہیں۔

نوٹیفکیشن میں بتایا گیا ہے کہ گزشتہ روز وزیرِ اعلیٰ پنجاب کے انتخاب کے لیے حمزہ شہباز نے 197 ووٹ حاصل کیے۔

حمزہ شہباز آج وزارتِ اعلیٰ کا حلف اٹھائیں گے

نومنتخب وزیراعلی پنجاب حمزہ شہباز آج رات عہدے کا حلف اٹھائیں گے۔

نوٹیفکیشن کے مطابق تحریکِ انصاف اور ق لیگ کے ارکان نے ووٹنگ میں حصہ نہیں لیا۔

نوٹیفکیشن میں کہا گیا ہے کہ گورنر ہاؤس حمزہ شہباز کے وزیرِ اعلیٰ پنجاب منتخب ہونے کا نوٹیفکیشن جاری کرے۔

ذرائع کے مطابق گورنر آفس نے ڈپٹی اسپیکر کی طرف سے رات ساڑھے 12 بجے رزلٹ کا نوٹیفکیشن وصول کیا، جس کے بعد نوٹیفکیشن پر ڈائری نمبر لگا دیا گیا۔

ذرائع نے یہ بھی بتایا ہے کہ گورنر آفس نے تاحال پنجاب اسمبلی کو اس بارے میں آگاہ نہیں کیا ہے۔

قومی خبریں سے مزید