• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دُعا کیلئے سپریم کورٹ بھی جانا پڑا تو جاؤں گا، والد دُعا زہرا

تازہ ترین
خاص رپورٹ
08 جون ، 2022


کراچی سے لاہور پہنچ کر پسند کی شادی کرنے والی دُعا زہرا کے والد نے کہا ہے کہ اگر اُنہیں اپنی بیٹی کے لیے سپریم کورٹ بھی جانا پڑا تو وہ لازمی جائیں گے، وہ یہاں کیس کو بند نہیں کریں گے۔

دو روز قبل دُعا زہرا اور اُس کے مبینہ شوہر ظہیر احمد کو سندھ ہائیکورٹ کراچی میں پیش کیا گیا جس کا ایک ویڈیو کلپ سوشل میڈیا پر وائرل ہو رہا ہے جس میں دُعا کے والد میڈیا سے گفتگو کرتے نظر آئے۔

دُعا زہرا کے والد نے کہا کہ ’51 دن بچی گھر سے دور رہی ہے، اُن لوگوں نے نہ جانے بچی کی کس طرح کی ویڈیوز بنائی ہیں جو وہ اتنے پریشر میں تھی کہ فوراََ بچی نے والدین سے ملنے سے منع کر دیا۔‘

اُنہوں نے کہا کہ ’پولیس نے والدین سے ملنے نہیں دیا اور نہ ہی میڈیا سے بچی کو گفتگو کرنے دی۔‘

بیٹی سے ایک سیکنڈ کیلئے بھی ملنے نہیں دیا: دُعا زہرہ کے والد کا شکوہ

کراچی سے لاہور پہنچ کر پسند کی شادی کرنے والی دعا زہرہ کے والد نے شکوہ کیا ہے کہ پولیس نے اُنہیں بالکل سپورٹ نہیں کی اور ایک سیکنڈ کے لیے بھی بیٹے سے ملنے نہیں دیا۔

دُعا زہرا کے والد نے کہا کہ ’پولیس نے بالکل تعاون نہیں کیا، دُنیا کا ایسا کونسا قانون ہے جو بچوں کو والدین سے ملنے سے روکتا ہے۔‘

اُنہوں نے مزید کہا کہ ’میں اپنی بچی کے لیے سپریم کورٹ تک جاؤں گا لیکن کیس یہاں بند نہیں کروں گا۔‘

خیال رہے کہ دعا زہرا کی عمر کا تعین کرلیا گیا، سندھ ہائی کورٹ کے حکم پر کیے گئے ٹیسٹ میں سامنے آیا کہ دعا زہرا کی عمر 16 سے 17 سال کے درمیان ہے۔

خاص رپورٹ سے مزید