• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور ایئرپورٹ روزانہ 3 گھنٹے پروازوں کیلئے بند رہے گا

آج کا اخبار
اہم خبریں
09 جولائی ، 2022
کراچی(مانیٹرنگ نیوز) سول ایوی ایشن نے فضائی سفر کو محفوظ بنانے کیلئے اہم اقدام اٹھاتے ہوئے لاہور ایئرپورٹ پر 2 ماہ کیلئے اللصبح طیاروں کی لینڈنگ اور ٹیک آف پر 3گھنٹے کیلئے پابندی عائد کردی۔تفصیلات کے مطابق علامہ اقبال انٹر نیشنل ایئرپورٹ پر طیاروں سے مسلسل پرندے ٹکرانے کے واقعات کے معاملے پر سول ایوی ایشن نے فضائی سفر کو محفوظ بنانے کیلئے اہم اقدام اٹھایا۔سول ایوی ایشن نے لاہور ایئرپورٹ پر 11جولائی سے 2 ماہ کیلئے اللصبح طیاروں کی لینڈنگ اور ٹیک آف پر پابندی عائد کردی اور اس حوالے سے نوٹم بھی جاری کردیا۔سی اے اے نے کہا کہ ملکی و غیر ملکی ایئرلائن نوٹم پر سختی سے عملدرآمد کریں تاہم کسی بھی ہنگامی صورت میں طیارے کو لینڈنگ کی اجازت ہوگی۔ترجمان کا کہنا تھا کہ مون سون کی وجہ سے پرندوں کی آمد میں مسلسل اضافہ ہورہا ہے ، فضائی سفر کو محفوظ بنانے کیلئے اللصبح 5بجے سے صبح کے 8 بجے تک کوئی بھی طیارہ ٹیک آف اور لینڈنگ نہیں کرسکے گا، پابندی کا اطلاق 11جولائی سے 15 ستمبر تک ہوگا۔
اہم خبریں سے مزید