مریخ پر پُراسرار ’نوڈل نما‘ چیز دریافت

امریکی خلائی ایجنسی ناسا نے مریخ پر پُراسرار ’نوڈل نما‘ چیز ڈھونڈ لی۔

غیر ملکی میڈیا کی رپورٹس کے مطابق ناسا کے Mars Perseverance روور کے ذریعے دریافت کردہ ایک اُلجھی ہوئی چیز نے خلائی مبصرین کو متوجہ کیا ہے جوکہ نوڈلز جیسی نظر آتی ہے۔

ناسا کی جیٹ پروپلشن لیبارٹری کے ترجمان نے بتایا ہے کہ ہم اس پر بات کر رہے ہیں کہ یہ کیا چیز ہے لیکن یہ قیاس آرائیاں کی جا رہی ہیں کہ یہ پیراشوٹ یا لینڈنگ سسٹم کی ڈوری کا ٹکڑا ہے جو روور کو زمین پر نیچے لاتا ہے۔

اس سے قبل ناسا نے پلوٹو کی ایک شاندار قوسِ قزح کے رنگ کی تصویر شیئر کی تھی جس نے سوشل میڈیا صارفین کو خوش گوار حیرت میں مبتلا کر دیا تھا۔

ناسا نے پلوٹو کی ’رینبو‘ تصویر شیئر کر دی

ناسا نے پلوٹو کی ایک شاندار قوسِ قزح کے رنگ کی تصویر شیئر کی ہے جس نے سوشل میڈیا صارفین کو خوش گوار حیرت میں مبتلا کر دیا ہے۔

یہ تصویر خلائی جہاز نیو ہورائزنز نے لی تھی، جسے 19 جنوری 2006ء کو لانچ کیا گیا تھا۔

نیو ہورائزنز نے 2015ء کے موسمِ گرما میں پلوٹو کا 6 ماہ طویل فلائی بائی مطالعہ کیا اور دور دراز کے نظامِ شمسی کو تلاش کرنا جاری رکھا۔