لاہور......آئی سی سی الیٹ پینل میں شامل پاکستانی امپائیر علیم ڈار 100 ٹیسٹ کھیلانے والے امپائرز میں شامل ہوجائیں گے، وہ دو جنوری سے انگلینڈ اور جنوبی افریقا کے میچ کو سپروائز کریں گے اور سو ٹیسٹ میچ سپر وائزکرنے والے دنیا کے تیسرے امپائر بن جائیں گے۔
علیم ڈار نے امپائرنگ کیرئیر کا آغاز سن 2000 میںکیا، وہ میچ پاکستان اور سری لنکا کے درمیان گجرانوالہ میں کھیلا گیا، تین سال بعد انھیں ٹیسٹ امپائرنگ کرنے کا موقع ملا، ڈھاکہ میں بنگلہ دیش اور انگلینڈ کے ٹیسٹ میچ کو سپر وائز کیا، وہ 99 ٹیسٹ سپر وائز کرچکے ہیں ، جبکہ 178 ون ڈے اور 35 ٹی ٹوئنٹی میچ میں امپائرنگ کے فرائض انجام دےچکے ہیں۔
علیم ڈار سال 2009، 2010 اور 2011 کے بہترین امپائرکا ایوارڈ بھی حاصل کرچکے ہیں،اسی بنیاد پر پاکستان میں انھیں اس اعزاز پر پرائڈ آف پرفارمنس اور ستارہ امتیاز سے بھی نوازا جا چکا ہے،علیم ڈار اپنا سواں ٹیسٹ جنوبی افریقا اور انگلینڈ کے خلاف سپر وائز کریں گے ان سے پہلے اسٹیو بکنر اور روڈی کرٹزنس یہ کارنامہ سر انجام دے چکے ہیں۔
فرمان الہی
نماز کے اوقات
