فرمان الہی
نماز کے اوقات
بچو! آپ روز صبح اسکول یا کسی بھی کام سے گھر سے نکلتے ہیں تو سڑکوں کا استعمال کرتے ہیں، ان پر ٹریفک کے مسئلے سے بھی باخوبی واقف ہوں گے۔سڑکوں کے بغیر گاڑیوں کا چلنا ناگزیر ہے تو تصور کریں ایک ایسے جادوئی قصبے کا جہاں سڑکیں پانی پر بنی ہوئی ہیں، جہاں گاڑیوں کے ہارن، اچانک بریک لگانے یا تیز رفتار ڈرائیورز کا سامنا نہیں ہوتا۔
جی ہاں واقعی ایک ایسا ہی جادوئی قصبہ اس دنیا میں موجود ہے جہاں سڑکوں کی جگہ نہروں کو دے دی گئی ہے۔ اور یہ قصبہ ہالینڈ میں واقع ہے جس کا نام گیتھورن ہے، جہاں گھومنے یا کسی ایک سے دوسری جگہ جانے کے لیے کشتیوں، سائیکل یا پیدل جانا پڑتا ہے۔
یہ قصبہ ایمسٹرڈیم سے 75 میل شمال میں واقع ہے، جہاں نہروں کے اوپر پیدل چلنے والوں کے لیے 180 پل قائم ہیں اور ہاں یہاں رہنے والوں کی تعداد بہت کم ہے بلکہ اکثر یہاں سیاح مقامی افراد سے زیادہ ہوتے ہیں۔ گرمیوں میں تو یہ قصبہ جنت نظیر لگتا ہی ہے مگر سردیوں میں نہریں برف سے جم جاتی ہیں اور گھومنے کا تجربہ زیادہ پرلطف ثابت ہوتا ہے۔ چار میل کے رقبے پر پھیلے اس قصبے میں ایک بھی گاڑی نہیں بلکہ نہروں کے ذریعے یہاں سے وہاں جایا جاتا ہے۔
