بھارتی دولہا شادی کے عین وقت بھی آفس کے کام میں مصروف

کورونا وبا کے باعث دنیا بھر میں کئی اداروں نے اپنے ملازمین کو گھروں سے کام کرنے کی اجازت دی جس پر لوگوں نے خوشی کا اظہار کیا تاہم کچھ ملازمین نے اس پیشکش پر بھی غفلت کا مظاہرہ کیا۔

بھارتی میڈیا کے مطابق کولکتہ کے ایک شخص کی تصویر انٹرنیٹ پر وائرل ہورہی ہے جو شادی کے منڈپ میں بھی لیپ ٹاپ لے کر بیٹھ گیا اور اپنا کام کرنے میں مصروف رہا۔

بھارتی میڈیا کے مطابق منڈپ میں بیٹھا دولہا اور 2 پنڈت اپنے اپنے کاموں میں مصروف رہے۔

اس تصویر کے سامنے آنے کے بعد بھارت میں لوگ اس پر دلچسپ تبصرے بھی کر رہے ہیں۔

ایک شخص نے لکھا کہ کسی بھی کمپنی کو اپنے ملازمین سے شادی کے دن کام کرنے کا مطالبہ نہیں کرنا چاہیے۔

تصویر پر ایک اکاؤنٹ سے لکھا گیا کہ اس شخص کو زندگی اور نوکری کے درمیان توازن کرنا سیکھنا چاہیے۔