• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر جنگ جیو گروپ عمران اسلم 70 سال کی عمر میں انتقال کرگئے

تازہ ترین
قومی خبریں
02 دسمبر ، 2022


جنگ اور جیو گروپ کے صدر عمران اسلم 70 سال کی عمر میں انتقال کرگئے۔

عمران اسلم کچھ عرصے سے علیل اور مقامی اسپتال میں زیرِ علاج تھے۔

عمران اسلم کے بھائی ریاض اسلم کا کہنا ہے کہ مرحوم کا بیٹا اور بہن لندن سے آئیں گے۔

 عمران اسلم کے بیٹے  تیمور کے مطابق جیو اور جنگ گروپ کے صدر عمران اسلم کی نماز جنازہ کل بعد نمازعصر گھر کے احاطے میں ادا کی جائےگی۔

کراچی: مرحوم عمران اسلم کی تدفین ڈیفنس فیز 8 کے قبرستان میں ہوگی، بیٹا تیمور

عمران اسلم 1952ء میں مدراس میں پیدا ہوئے، انہوں نے70ء کی دہائی میں لندن سے تعلیم حاصل کی۔

عمران اسلم جیو لانچ کرنے والی ٹیم کا حصہ تھے، جیو نیوز، جیو انٹرٹینمنٹ، جیو سُپر ان کی رہنمائی میں شروع ہوئے۔

عمران اسلم کا صحافتی کیریئر بھی شاندار رہا، وہ پاکستان کے ممتاز اخبار دی نیوز کے بانی ممبر بھی تھے۔

عمران اسلم دی نیوز میں بطور چیف نیوز ایڈیٹر اور سینئر ایڈیٹر رہے۔

عمران اسلم نے 60 سے زائد کامیاب ڈرامے لکھے جو اسٹیج اور ٹی وی کی زینت بنے۔

قومی خبریں سے مزید