فرمان الہی
نماز کے اوقات
ادارہ ترقیات کراچی کے ممبر فنانس محمد کاشف خان نے کے ڈی اے اسپورٹس گالا کی کٹس رونمائی کی تقریب سے خطاب کرتے ہوئے کہا کہ کراچی ڈیولپمنٹ اتھارٹی کھیل اورکھلاڑیوں کی ہر سطح پر سرپرستی جاری رکھے گا۔ ڈی جی کے ڈی اے سید محمد علی شاہ کی ہدایت پر کے ڈی اے کے زیر کنٹرول شہر بھر میں کھیل کے میدانوں کو آباد کرنے کے لئے وسائل میں کمی کے باوجود ٹھوس اقدامات کئے جارہے ہیں۔
اس موقع پر چیف انجینئر کے ڈی اے ندیم اقبال، ڈائریکٹر فنانس ورئیل اندھر، ڈائریکٹر ریکوری نوید انور صدیقی، ڈائریکٹر لینڈ محمد قاسم، ڈائریکٹر آئی ٹی سید کمال صدیقی، ڈائریکٹر اسپورٹس شکیل خان، سپرنٹنڈنٹ انجینئر طارق رفیع، ڈائریکٹر ایڈمن انجینئرنگ ناصر خان، ایڈیشنل ڈائریکٹر اسپورٹس ایاز منشی، پبلک ریلیشنز آفیسر اکرم ستار اور اسپورٹس آرگنائزر ایم نسیم بھی موجود تھے۔ افتتاحی تقریب کے مہمان خصوصی ڈی جی کے ڈی اے سید محمد علی شاہ ہوں گے۔
مردان بورڈ نے بیڈ منٹن اعزاز جیت لیا
ثانوی تعلیمی بورڈ کراچی کے تحت کھیلی جانے والی پاکستان انٹر بورڈ بیڈمنٹن گرلز چیمپئن شپ مردان بورڈ نے جیت لی میزبان میٹرک بورڈ کراچی دوسری پوزیشن پر رہا رہا۔ سیمی فائنل میں مردان بورڈ نے لاہور بورڈ کو اور کراچی بورڈ نے انٹر بورڈ کراچی کو ہرا کر فائنل میں جگہ بنائی تھی۔
اس موقع پر چیئرمین میٹرک بورڈ کراچی سید شرف علی شاہ نے چیمپئن شپ میں پوزیشن حاصل کرنے والی ٹیموں میں ٹرافی، میڈلز اور اسناد تقسیم کیں انہوں نے کہا کہ میٹرک بورڈ تعلیمی اسناد کے ساتھ ساتھ کھیلوں کی سرگرمیوں کا پلیٹ فارم بھی مہیا کرتا ہے، بورڈ کی ڈائریکٹر ایجوکیشنل ریسرچ اور اسپورٹس حور مظہر نے کہا کہ میٹرک بورڈ آئندہ بھی اس طرح کے کھیلوں کا انعقاد ضرور کرے گا۔
