نوعمر ایتھلیٹ حمدان نے سب کو حیران کردیا

سابق قومی ٹیبل ٹینس کھلاڑی رفعت موسی کے نواسے حمدان بلوچ نے بیکن ہاؤس اسکول پی ای سی ایچ ایس میں ہونے والی100میٹرز ریس میں پہلی پوزیشن حاصل کی، نو عمر حمدان ایتھلیٹ کے ساتھ ساتھ پیراکی اور فٹبال میں اپنی صلاحیتوں کے جوہر دکھا رہے ہیں، ان کے اسپورٹس ٹیچر بھی ان کی کار کردگی سے بہت خوش ہیں۔ 

ان کا کہنا ہے کہ حمدان مستقبل میں ایک اچھا ایتھلیٹ ثابت ہوگا، اس میں بے پناہ ٹیلنٹ ہے، اچھی اور معیاری کوچنگ سے اس کی صلاحیتوں میں مزید نکھار پیدا ہوگا۔