فرمان الہی
نماز کے اوقات
1۔ اندھا تو ہے لیکن ہے وہ اڑنے والا
تاریکی میں ہر سمت کو مڑنے والا
پنچھی نہیں کہتا کوئی پھر بھی جس کو
کیا نام ہے اس کا ذرا بوجھو بچو
۔۔۔۔۔۔۔۔۔۔۔
2۔ جانے کس شے کا ہے سایا
بادل سا بن کر لہرایا
اڑتا جائے، اڑتا جائے
طرح طرح کی شکل بنائے
پکڑو تو وہ ہاتھ نہ آئے
۔۔۔۔۔۔۔۔۔۔۔
3۔ دنیا میں اِک چیز نرالی
سر سے پاؤں تک سب کالی
جو کوئی اُس کو ہاتھ لگائے
ویسا ہی کالا ہو جائے
۔۔۔۔۔۔۔۔۔۔۔
4۔ موتی سچے تھےیا جھوٹے
ہاتھ کے لگتے ہی سب ٹوٹے
۔۔۔۔۔۔۔۔۔۔۔
5۔ پاؤں نہیں پر پھر بھی رواں ہے
کبھی یہاں تو کبھی وہاں ہے
۔۔۔۔۔۔۔۔۔۔۔
بوجھوں تو جانیں کے جوابات
1۔چمگادڑ 2۔ دھواں 3۔ کوئلہ 4۔ شبنم کے قطرے 5۔دھوپ
