50 دن میں 1900 تارکین وطن کو برطانیہ اسمگل کرنے والا سرغنہ مانچسٹر ایئرپورٹ سے گرفتار

مانچسٹر (غلام مصطفیٰ مغل) برطانیہ میں دوسرے ملکوں سے لوگوں کی اسمگلنگ کرنے والے سرغنہ کو گرفتار کر لیا گیا ، طارق نامک کو استنبول سے پرواز کے بعد مانچسٹر ائرپورٹ پر حراست میں لیا گیا ۔ طارق نامک نے ایک گروہ کی قیادت کی جو عراق اور ایران سے لوگوں کو لاریوں میں چھپا کر برطانیہ لاتا تھا۔ نیشنل کرائم ایجنسی (این سی اے) نے کہا کہ اس کے فون ریکارڈ سے پتہ چلتا ہے کہ وہ 50دنوں میں کم از کم 1900تارکین وطن کی اسمگلنگ میں ملوث رہا، ہر فرد سے تقریباً 1800 (£1540) وصول کرتا تھا۔ اولڈہم سے تعلق رکھنے والے 45سالہ شخص کو بیرون ملک فرار ہونے کے بعد دسمبر میں مانچسٹر کراؤن کورٹ میں آٹھ سال کی غیر حاضری میں سزا سنائی گئی تھی، نامک نے اس سے قبل سیاسی پناہ کے متلاشیوں کو برطانیہ میں داخل ہونے میں مدد کرنے کی سازش کے جرم کا اعتراف کیا تھا، ایک تصویر میں ہابیل گیڈر اور طارق نامک کی اسٹاک پورٹ میں کار واش میں ملاقات ہوتی دکھائی دے رہی ہے، اس کا منظم کرائم گروپ 2017میں این سی اے کی تحقیقات کا موضوع بنا، ایک معاملے میں، نو افراد جن میں پانچ بچے بھی شامل ہیں، ایک لاری کے پیچھے ایک لیٹ بائی میں پریشان حالت میں پائے گئے، لاری کے کیبن کے ونڈ فلیکٹر میں چھپا کر بھی لوگوں کو اسمگل کیا جاتا تھا، ہسپتال میں علاج کیلئے لے جانے سے پہلے نامک کے ساتھ کام کرنے والے چار افراد کو بھی دسمبر میں پناہ کے متلاشیوں کو برطانیہ میں داخل ہونے میں مدد کرنے کی سازش کا جرم قبول کرنے کے بعد جیل بھیج دیا گیا تھا۔ مانچسٹر سے تعلق رکھنے والے 40سالہ حجر احمد اور سٹوک آن ٹرینٹ سے تعلق رکھنے والے 32سالہ سوران سالی نے آپریشن کے برطانوی حصے میں تعاون کرنے میں مدد کی۔ سٹوک آن ٹرینٹ سے تعلق رکھنے والے 54سالہ ہابیل گیڈر نے برطانیہ میں آنے کے بعد کچھ تارکین وطن کے لیے ایک محافظ کے طور پر کام کیا، جب کہ ناٹنگھم سے تعلق رکھنے والے 32 سالہ ہاردی علی زادہ نے یورپی براعظم میں بیرون ملک کارروائیوں کو مربوط کیا۔ دسمبر میں ان کی سزا سنانے کے وقت جج جان پوٹر نے کہا کہ انہوں نے ان افراد کی بدقسمت صورت حال کا زبردست استحصال کیا اور برطانیہ کی سلامتی کو نقصان پہنچایا۔ جج نے کہا تم نے ایک بے رحمی کا مظاہرہ کیا جس نے کچھ معاملات میں مایوس افراد کو آپ کی اپنی خود غرضی اور لالچی ضروریات کیلئے خطرے میں ڈال دیا۔ این سی اے کے برانچ کمانڈر رچرڈ ہیریسن نے کہا نامک لوگوں کا سمگلر تھا جس کے جرائم کے گروپ نے کمزور تارکین وطن کو بڑے خطرے میں ڈال دیا جب کہ اس نے منافع کمایا۔ مجھے خوشی ہے کہ اب اسے اپنے کیے گئے جرائم کیلئے انصاف کا سامنا کرنا پڑے گا۔