• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رواں برس مسجد الحرام میں 10 کروڑ سے زائد عازمین کی آمد

مکہ مکرمہ (نیوز ڈیسک) بیت اللہ شریف کی مسجد الحرام میں رواں ہجری سال 10کروڑسے زائد عازمین کی آمد ریکارڈ کی گئی۔حرمین شریفین کے امور کی نگرانی کے ذمے دار ادارے کے سربراہ سربراہ شیخ ڈاکٹر عبدالرحمن السدیس نے انکشاف کیا کہ 1444ھ کے آغاز سے لے کر اب تک بیت اللہ شریف کی مسجد الحرام میں 100ملین سے زیادہ افراد کی آمد و رفت ریکارڈ کی گئی۔حجر اسماعیل کے قریب نماز ادا کرنے والوں کی تعداد رواں سال 11لاکھ 93ہزار سے تجاوز کرگئی ہے۔ اعداد وشمار کے مطابق گاڑیوں کی نقل و حمل کی خدمات کیلئے ایک سال کے دوران 15لاکھ سے زیادہ مہمانوں کی خدمت کی گئی۔ڈاکٹر السدیس کا مزید کہنا تھا کہ مسجد نبوی ﷺ میں بزرگوں اور معذوروں کو بہتر سہولیات فراہم کرنے کیلئے 50سے زائد گاڑیاں صرف معمر افراد اور خاص ضرورت والے افراد کیلئے مختص کردی گئی ہیں۔ سال 2023کے دوران دونوں مقدس مساجد میں رضا کاروں کی تعداد بڑھا ئی جا رہی۔ گاڑی کی خدمات کو ضرورت مند افراد تک پہنچانے KDGVʼ الیکٹرانک آرڈر کی سہولت فراہم کی جارہی جبکہ مسجد الحرام میں الیکٹرانک طواف کی سروس کی فراہمی بھی ممکن بنائی جائے گی۔
یورپ سے سے مزید