وہیل مچھلی نے بندرگاہ کا رخ کرلیا، ناقابل یقین لمحات ویڈیو میں محفوظ

25 جنوری ، 2023

وہیل ہو یا شارک ان کا نام سنتے ہی ایک ہولناک منظر آنکھوں کے سامنے طاری ہوجاتا ہے لیکن کیا آپ نے کبھی سوچا ہے اگر یہ حقیقت میں سامنے آجائیں تو کیا ہوگا؟

مائیکرو بلاگنگ سائٹ ٹوئٹر پر ایک ایسی ہی ویڈیو وائرل ہو رہی ہے جس میں وہیل مچھلی کو بندرگاہ کے قریب آتا دیکھا جاسکتا ہے۔

اووڈلی ٹیریفائینگ نامی ٹوئٹر اکاؤنٹ سے شیئر کی گئی ایک ویڈیو میں ویڈیو ریکارڈ کرنے والا امریکی، ریاست الاسکا کی بندرگاہ پر موجود سمندری جہازوں سے گِھرا ہوا ہے۔

وہ سمندر جہاز کی سواری کرنے کے لئے پُرجوش ہوکر اس لمحے کو کیمرے کی آنکھ میں قید کر رہا ہوتا ہے کہ اچانک ایک وہیل مچھلی تیزی سے بندرگاہ کی جانب آتی ہے اور اپنا منہ پانی سے باہر نکال کر یک دم اپنا راستہ تبدیل کر کے مڑ جاتی ہے۔

سوشل میڈیا پر وائرل لمحے بھر کے لئے دل دہلا دینے والے ان مناظر سے بھر پور ڈھائی گھنٹے قبل شیئر کی گئی اس ویڈیو کو اب تک 92 ہزار سے زائد بار دیکھا جاچکا ہے جبکہ کمنٹس میں تبصرہ کرتے ہوئے کئی صارفین کچھ اسی نوعیت کے اپنے تجربات سے بھی آگاہ کر رہے ہیں۔

دلچسپ و عجیب سے مزید