• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فواد چوہدری کو جوڈیشل ریمانڈ پر جیل بھیجنے کا تحریری فیصلہ جاری

تازہ ترین
قومی خبریں
27 جنوری ، 2023
فواد چوہدری کو جوڈیشل ریمانڈ پر جیل بھیجنے کا تحریری فیصلہ جاری

ڈسٹرکٹ اینڈ سیشن کورٹ اسلام آباد نے پی ٹی آئی رہنما فواد چوہدری کی جانب سے الیکشن کمیشن کےخلاف نفرت پھیلانے کے کیس میں انہیں جوڈیشل ریمانڈ پر جیل بھیجنے کا تحریری فیصلہ جاری کردیا۔

جوڈیشل مجسٹریٹ وقاص احمد راجہ نے 2 صفحات پر مشتمل تحریری فیصلہ جاری کیا۔

تحریری فیصلے کے مطابق پولیس نے فواد چوہدری کے 7 روزہ جسمانی ریمانڈ کی استدعا کی، پولیس کے مطابق فواد چوہدری کا وائس میچ ٹیسٹ اور فوٹو گرامیٹک ٹیسٹ کروانا ہے۔

فواد چوہدری کے خلاف ایف آئی آر بالکل درست ہے، رانا ثناء اللّٰہ

وزیر داخلہ نے کہا کہ فواد چوہدری کے خلاف ایف آئی آر سیکریٹری الیکشن کمیشن کی درخواست پر درج ہوئی، جو آدمی یہ کہہ رہا ہے کہ فواد چوہدری کے خلاف مقدمہ سیاسی انتقام ہے اسے ایف آئی آر پڑھ لینی چاہیے۔

فیصلے میں کہا گیا کہ پولیس کے مطابق فواد چوہدری کا فوٹو گرامیٹک ٹیسٹ لاہور سے کروانا ہے، پولیس کے مطابق وقت کی کمی کے باعث فوٹو گرامیٹک ٹیسٹ نہیں کروایا جا سکا، پولیس کے مطابق فواد چوہدری کو فوٹو گرامیٹک ٹیسٹ کیلئے لاہور لے کر جانا ضروری ہے۔

تحریری فیصلے میں کہا گیا کہ پولیس کے مطابق تفتیش کیلئے فواد چوہدری کا موبائل اور دیگر ڈیوائسز برآمد کرنا لازمی ہے، فواد چوہدری کے مطابق ان کی موبائل سم بند کرنے کی استدعا کی گئی جو پولیس کے پاس ہے، فواد چوہدری کے مطابق ان کا موبائل فون اسلام آباد پولیس کے پاس ہے۔

فیصلے میں کہا گیا کہ پولیس کی مزید جمسانی ریمانڈ کی استدعا میرٹ پر نہیں بنتی، فواد چوہدری کو 10 فروری کو عدالت میں دوبارہ پیش کیا جائے۔

قومی خبریں سے مزید