امریکا میں جاسوس غبارے کے معاملے پر چین کی وزارت خارجہ کا ردعمل

امریکا میں چین کےمشتبہ جاسوس غبارے کی موجودگی کے معاملے پر چین کی وزارت خارجہ کا ردعمل سامنے آگیا۔

ترجمان چینی وزارت خارجہ نے کہا ہے کہ حقائق واضح ہونےتک قیاس آرائیاں مسئلے کےحل کے لیے سازگار نہیں، معاملے کی تصدیق کے بارے میں کام کر رہےہیں۔

ترجمان کے مطابق امید ہے کہ دونوں فریق اس معاملے کو پرسکون انداز میں سنبھالیں گے، اس موقع پر امریکی سیکریٹری خارجہ کے دورہ چین سے متعلق کوئی بات نہیں کی جائےگی۔

مشتبہ چینی غبارہ امریکی حدود میں داخل

غیرملکی میڈیا کے مطابق ایک سینئر امریکی دفاعی اہلکار نے نام ظاہر نہ کرنے کی شرط پر بتایا کہ ’واضح طور پر اس غبارے کا مقصد نگرانی کرنا ہے‘۔

یا د رہے کہ  امریکی حکام نے بتایا کہ پینٹاگون ایک مشتبہ چینی جاسوس غبارے کا سراغ لگا رہا ہے جو اس وقت امریکہ کے اوپر اڑ رہا ہے۔