اب فیس بک میسنجر پر ویڈیو گیم کھیلیں

08 مئی ، 2023

اب فیس بک گیمنگ کی بدولت صارفین فیس بک میسنجر پر ایک سے زائد دوستوں یا گیمرز کے ساتھ کئی اقسام کے گیم کھیل سکتے ہیں۔ ان میں ویڈیو گیم کی ایک طویل فہرست اور اقسام ہیں جن میں ایکشن، ایڈونچر، اسپورٹس اور معمے (پزل) والے گیمز شامل ہیں۔ علاوہ ازیں آپ دوستوں سے براہِ راست گفتگو، کال اورایپ میں خریداری کرسکتے ہیں۔ اس طرح ہم خیال گیمر ایک دوسرے سے رابطہ بھی کرسکیں گے۔

دوسری جانب آپ ایک سے زائد کھلاڑیوں والے گیم میں شامل ہوکر ملٹی پلیئر گیمنگ کا تجربہ بھی حاصل کرسکتے ہیں۔ اس وقت 14 گیم ایسے ہیں جو فری میں کھیلے جاسکتے ہیں یہ اینڈروئڈ، آئی او ایس اور ویب ورژن پرموجود ہیں۔ ان گیمز میں کارڈ وارز، ایکسپلوڈنگ کٹنز، منی گالف اور ورڈز وغیرہ شامل ہیں جو بنیادی طور پر دو افراد کےدرمیان کھیلنے کے لیے بنائے گئے ہیں۔

سائنس اینڈ ٹیکنالوجی سے مزید