فرمان الہی
نماز کے اوقات
کراچی(اسٹاف رپورٹر)ایم کیو ایم پاکستان کے سینئر ڈپٹی کنوینر سید مصطفیٰ کمال نے کہا ہے کہ ایم کیو ایم پاکستان وفاقی حکومت کا حصہ ہے اور ہر مشکل وقت میں حکومت کے ساتھ کھڑی رہے گی‘منگل کو ایم کیو ایم پاکستان کے اراکین قومی اسمبلی کی رابطہ کمیٹی کے ساتھ طے شدہ ملاقات ہوئی جس کا موجودہ سیاسی صورتحال سے تعلق نہیں ہے ۔اپنے وضاحتی بیان میں انہوں نے کہا کہ ملاقات میں مردم شماری میں ادارہ شماریات کی جانب سے کی جانے والی غلطیوں اوراب تک کے اعدادوشمار کے تمام پہلوؤں کا جائزہ لیا گیا ہے ۔انہوں نے کہا کہ اراکین قومی اسمبلی نے اس تنظیمی میٹنگ میں کنوینر ڈاکٹر خالد مقبول صدیقی کو اپنے استعفے جمع کروائے،اراکین اسمبلی نے رائے دی کہ اگر ادارہ شماریات اپنی غلطیوں کوتائیوں اور حکومت مردم شماری پر تحفظات دور نہیں کرتی تو اسمبلی میں نہیں جائیں گے۔مصطفیٰ کما ل نے مزید کہا کہ ملاقات میں وزیراعظم اور وفاقی وزیر احسن اقبال کے کردار کو بھی سراہا جنہوں نے مردم شماری کے حوالے سے تمام تحفظات سنے اور انہیں دور کرنے کے احکامات جاری کئے،ایم کیو ایم پاکستان وفاقی حکومت کا حصہ ہے اور ہر مشکل وقت میں حکومت کے ساتھ کھڑی رہے گی۔
