الیانا ڈی کروز نے بوائے فرینڈ کے ہمراہ تصویر شیئر کردی

بالی ووڈ اداکارہ الیانا ڈی کروز نے اپنے بوائے فرینڈ کے ہمراہ فوٹو سوشل میڈیا پر شیئر کر دی ہے۔

اداکارہ الیانا ڈی کروز جَلد ہی اپنے پہلے بچے کی ماں بننے والی ہیں، گزشتہ دنوں وہ اپنے ’بے بی مون‘ کے سلسلے میں چھٹیوں پر تھیں۔

حال ہی میں انہوں نے اپنے بوائے فرینڈ اور منگیتر، مسٹری مین کے ساتھ تصویر شیئر کی ہے اور ساتھ میں اپنے حمل سے حاصل ہونے والے تجربے پر جذباتی اور محبت بھرا نوٹ  لکھا ہے۔

 یہ الیانا کی اپنے بوائے فرینڈ کے ساتھ سوشل میڈیا پر شیئر کی گئی پہلی تصویر ہے۔

الیانا کی جانب سے شیئر کی گئی بوائے فرینڈ کی اس تصویر میں بھی مسٹری مین کا چہرہ واضح نہیں ہے۔

بھارتی حاملہ اداکارہ الیانا ڈی کروز نے ’مسٹری مین‘ سے منگنی کر لی

بھارتی فلم انڈسٹری کی خوبرو اداکارہ الیانا ڈی کروز نے ’مسٹری مین‘ سے منگنی کر لی ہے۔

اس دھندلی تصویر میں صرف اتنا اندازہ لگایا جا سکتا ہے کہ الیانا کے مسٹری مین کے چہرے پر داڑھی اور مونچھیں ہیں۔

یاد رہے کہ گزشتہ دنوں بھارتی میڈیا رپورٹس میں یہ دعویٰ کیا جا رہا تھا کہ الیانا نے معروف اداکارہ کترینہ کیف کے بھائی سیبسٹین مچل سے منگنی کر لی ہے جبکہ الیانا نے اس سے متعلق تاحال کوئی تصدیق یا تردید نہیں کی ہے۔

یاد رہے کہ رواں سال اپریل میں اداکارہ نے اپنے حاملہ ہونے سے متعلق خبر سوشل میڈیا پر شیئر کی تھی۔

ادکارہ نے اپنی اس پوسٹ میں بھی اپنے پارٹنر سے متعلق کوئی ذکر نہیں کیا تھا۔