• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیو کراچی میں قتل ٹیکسی ڈرائیور کا بھائی بھی 8 سال قبل ایسے ہی نشانہ بنا

آج کا اخبار
اہم خبریں
27 اگست ، 2023
کراچی (افضل ندیم ڈوگر )کراچی ایئرپورٹ سے واپس گھر جانے والوں کی گاڑی نہ روکنے پر ملزمان کی فائرنگ سے ٹیکسی ڈرائیور جاں بحق ہوا، مقتول کے بھائی کو بھی 8سال قبل کراچی میں ہی ڈکیتی مزاحمت پر قتل کیا گیا۔ پولیس ذرائع کے مطابق نیو کراچی سے ایک فیملی گزشتہ رات عمرے پر جانے کے لیے گھر پر روانہ ہوئی تھی۔ فیملی کراچی ایئرپورٹ پر پہنچی تو پتہ چلا کہ ان کی پرواز منسوخ ہو گئی ہے جس پر ٹیکسی ڈرائیور ممتاز انہیں لے کر واپس نیو کراچی پہنچا تو گلی میں مسلح ملزمان نے لوٹ مار کی غرض سے گاڑی روکنے کی کوشش کی۔ ممتاز نے گاڑی نہ روکی تو ملزمان نے تعاقب کے بعد فائرنگ کر دی۔ جس سے ٹیکسی ڈرائیور ممتاز جاں بحق ہوگیا۔ مقتول ممتاز کو نیو کراچی ڈیکا موڑ کے قریب بلال کالونی تھانے کی حدود میں قتل کیا گیا۔اہل خانہ کے مطابق مقتول تین بچوں کا باپ اور ائیرپورٹ پر ٹیکسی چلاتا تھا۔ مقتول ممتاز ائیر پورٹ کے قریب گرین ٹاون میں اکیلا رہائش پزیر تھا۔
اہم خبریں سے مزید