• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ پولیس میں بڑے پیمانے پر تبادلے، خادم حسین رند کراچی پولیس چیف تعینات

آج کا اخبار
اہم خبریں
06 ستمبر ، 2023
کراچی(اسٹاف رپورٹر)الیکشن کمیشن نے سندھ حکومت کی درخواست پر تقرری وتبادلوں کی اجازت دے دی، خادم حسین رند کراچی پولیس چیف تعینات ۔سندھ پولیس میں بڑے پیمانے پر تقرر ی اور تبادلوں کا نوٹیفکیشن جاری کردیا گیا ۔ ایک ایڈیشنل آئی جی، 8 ڈی آئی جیز، 31 ایس ایس پیز اورایس پیز کے تبادلے کر دیے گئے ۔نوٹیفکیشن کے مطابق ایڈیشنل آئی جی اسیپشل برانچ خادم حسین رند کا تبادلہ کرکے ایڈیشنل آئی جی کراچی تعینات کر دیاگیا، اسد رضا ڈی آئی جی ساؤتھ زون کراچی، عاصم خان قائمخانی ڈی آئی جی ویسٹ زون کراچی اور کیپٹن ریٹائرڈ غلام اظفر مہیسر کو ڈی آئی جی ایسٹ زون کراچی تعینات کردیا گیا ۔عبد الحمید کھوسو ڈی آئی جی سکھر، جاوید جسکانی ڈی آئی جی لاڑکانہ، طارق رزاق دھاریجو ڈی آئی جی حیدرآباد، پرویز چانڈیو ڈی آئی جی شہید بےنظیر آباد اور تنویر عالم اوڈھو کو ڈی آئی جی میرپور خاص تعینات کیا گیا ہے۔ علاوہ ازیں امجد شیخ ایس ایس پی حیدر آباد، ابریز علی عباسی ایس پی ٹنڈوالہ یار، سلیم شاہ ایس پی ٹنڈو محمد خان،نورالحق رند ایس پی مٹیاری، طارق نواز ایس پی جامشورو، شبیر سیتھر ایس ایس پی دادو، علی بخش ایس ایس پی ٹھٹھہ، شہلا قریشی ایس پی سجاول، قمر جسکانی ایس پی بدین، حیدر رضا ایس ایس پی شہید بے نظیرآباد، طارق الٰہی مستوئی ایس ایس پی ملیر، حسن سردار ایس ایس پی کورنگی، فیصل عبداللہ چاچڑ ایس ایس پی سینٹرل ، عرفان علی بہادر ایس ایس پی ایسٹ کراچی، عمران قریشی ایس ایس پی ضلع جنوبی کراچی، محمد عارف اسلم ایس ایس پی کیماڑی اور ظہور علی ایس ایس پی ویسٹ کراچی تعینات کر دیے گئے ہیں۔
اہم خبریں سے مزید