فرمان الہی
نماز کے اوقات
کراچی(ٹی وی رپورٹ)سکیورٹی فورسز نے خیبرپختونخوا (کے پی) کے 2 اضلاع میں خفیہ اطلاع پر آپریشن کیا جس میں 8 دہشت گرد ہلاک ہوگئے۔ پاک فوج کے شعبہ تعلقات عامہ (آئی ایس پی آر) کے مطابق آپریشن بنوں کے علاقے جانی خیل اور شمالی وزیرستان کے علاقے دتہ خیل میں کئے گئے۔ آئی ایس پی آر کے مطابق جانی خیل میں سکیورٹی فورسز اور دہشت گردوں میں فائرنگ کا شدید تبادلہ ہوا جس میں6 دہشت گرد ہلاک اور5 گرفتار کرلئے گئے۔ آئی ایس پی آر کا کہنا ہے کہ جانی خیل میں ہلاک دہشت گرد سکیورٹی فورسز کے خلاف دہشت گردی میں ملوث تھے، دہشت گرد جانی خیل میں فوجی قافلے پر موٹرسائیکل سوار خودکش حملے کے سہولت کار تھے،31 اگست 2023 کو ہوئے خودکش حملے میں9فوجی جوان شہید ہوئے تھے۔
