• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاق کا افغان ٹرانزٹ ٹریڈ کے ذریعے لگژری آئٹمز کی درآمد پر پابندی کا فیصلہ

آج کا اخبار
اہم خبریں
01 اکتوبر ، 2023
اسلام آباد(این این آئی) وفاقی حکومت نے افغان ٹرانزٹ ٹریڈ کے ذریعے پرتعیش اشیاء کی درآمدپر پابندی عائد کرنیکا فیصلہ کر لیا۔ ٹائرز، فیبرکس، کاسمیٹکس اور ٹائلز سمیت متعدد اشیا کی درآمد پر پابندی عائد کرنے کا فیصلہ کیا گیا ہے۔ وزارت تجارت نے افغان ٹرانزٹ ٹریڈ کے ذریعے درآند کیے جانے والی لگژری اشیا پر پابندی عائد کر دی ہے۔ تفصیلات کے مطابق صرف ایک سال میں افغان ٹرانزٹ ٹریڈ کا حجم 2.5 ارب ڈالر اضافے سے 6.71ارب ڈالر ہوگیا ہے ۔ افغان ٹرانزٹ ٹریڈ نے پاکستان کی جانب سے درآمد پر پابندی کے اثرات کوزائل کردیا ہے۔اس حوالے سے بتایا گیا کہ جن اشیا کی درآمد پر پابندی یا ڈیوٹی بڑھائی جاتی ہے وہی اشیا ٹرانزٹ ٹریڈ کے ذریعے منگوائی جارہی ہیں، افغانستان میں ڈیوٹی کم ہونے کے باعث بیشتر اشیا اسمگلنگ کے ذریعے پاکستان میں فروخت کردی جاتی ہیں۔ ذرائع کے مطابق وزارت تجارت نے ریوالونگ انشورنش اور بینک گارنٹی اشیا کی 100فیصد مالیت پروصول کرنیکی سفارش کردی ہے۔
اہم خبریں سے مزید