نیوزی لینڈ کیخلاف ٹی ٹوئنٹی سیریز میں کامیابی پر ذکا اشرف کی قومی ویمن ٹیم کو مبارکباد

چیئرمین پاکستان کرکٹ بورڈ (پی سی بی) مینجمنٹ کمیٹی ذکا اشرف نے پاکستان ویمن کرکٹ ٹیم کو نیوزی لینڈ کے خلاف پہلی مرتبہ ٹی ٹوئنٹی سیریز جیتنے پر مبارکباد دی ہے۔ 

پاکستان ویمن ٹیم نے نیوزی لینڈ کیخلاف پہلی مرتبہ ٹی ٹوئنٹی سیریز جیت لی

پاکستان ویمن کرکٹ ٹیم نے نیوزی لینڈ میں تاریخی فتح حاصل کرتے ہوئے کیویز کے خلاف پہلی مرتبہ ٹی ٹوئنٹی سیریز جیت لی۔

چیئرمین پی سی بی مینجمنٹ کمیٹی ذکا اشرف کا کہنا تھا کہ پاکستان ویمنز ٹیم نے نیوزی لینڈ میں قوم کا سر فخر سے بلند کیا۔

انہوں نے کہا کہ کپتان ندا ڈار نے جس انداز سے ٹیم کی قیادت کی وہ قابل فخر ہے۔

ذکا اشرف نے ویمن ٹیم کی واپسی پر خصوصی تقریب کا بھی اعلان کیا۔