• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شارٹ سرکٹ سے بجلی منقطع، جناح انٹرنیشنل ایئرپورٹ کراچی اندھیرے میں ڈوب گیا

آج کا اخبار
اہم خبریں
15 دسمبر ، 2023
کراچی(اسٹاف رپورٹر)کراچی کا جناح انٹرنیشنل ایئرپورٹ بجلی منقطع ہونے کی وجہ سے اندھیرے میں ڈوب گیا۔تفصیلات کے مطابق کراچی ایئرپورٹ کے زیرولیول پر بجلی کی تاروں میں شارٹ سرکٹ ہوا جس سے ایئرپورٹ کا ڈومیسٹک ڈپارچر اندھیرے میں ڈوب گیا۔ شارٹ سرکٹ کے باعث بین الاقوامی ڈپارچر لاؤنج کےکچھ حصہ بھی اندھیرا چھا گیا ۔ذرائع کا کہنا ہے کہ بجلی کی عدم فراہمی پر کسٹم نے اسکیننگ روک دی جب کہ احتیاطی تدابیر کے تحت ایئرپورٹ کے ٹرمینل بلڈنگ کی بجلی بند کر دی گئی۔سول ایوی ایشن کا کہنا ہے کہ زیرولیول پر شارٹ سرکٹ سے آگ لگی جس پر قابو پالیا گیا اور رات 10 بجے جناح انٹرنیشنل سیٹلائٹ ایریا کی بجلی بحال کردی گئی۔
اہم خبریں سے مزید