فرمان الہی
نماز کے اوقات
گرل فرینڈ کا روپ دھار کر امتحان دینے والا بھارتی نوجوان پکڑا گیا۔
بھارتی میڈیا رپورٹ کے مطابق ریاست پنجاب میں انگریز سنگھ نامی لڑکا اپنی گرل فرینڈ کا لباس، وگ اور اندازِ میک اپ اپنا کر سرکاری نوکری کے لیے ہونے والا امتحان دینے پہنچ گیا۔
سہارن نگر کے رہائشی نوجوان کی تمام تر کوششیں اس وقت رائیگاں چلی گئیں جب امتحانی مرکز کے عملے نے اسے پکڑلیا اور پولیس کے حوالے کردیا۔
میڈیا رپورٹس کے مطابق نوجوان نے گرل فرینڈ کا روپ دھارنے کی بہت اچھی کوشش کی لیکن وہ اس بات سے بےخبر تھا کہ اس کی گرل فرینڈ کے ایڈمٹ کا ایک حصہ پہلے ہی امتحانی مرکز میں جمع شدہ ہے، اپنے پاس موجود ایڈمٹ کارڈ میں گرل فرینڈ کی تصویر کی جگہ اپنی تصویر لگانا کافی نہیں۔
امتحانی مرکز کے عملے نے جب اپنے پاس موجود ایڈمٹ کارڈ سے انگریز سنگھ کی تصویر ملائی تو دونوں الگ الگ تھیں جس پر مذکورہ نوجوان کا بھانڈا پھوٹ گیا۔
میڈیا رپورٹس کے مطابق امتحانی مرکز کے عملے نے فوری کارروائی کرتے ہوئے پولیس سے رابطہ کیا اور نوجوان کو ان کے حوالے کردیا۔
