فرمان الہی
نماز کے اوقات
پنجاب اسمبلی میں وزیرِ اعلیٰ کے انتخاب کے لیے دونوں امیدواروں کے کاغذات درست قرار دے دیے گئے۔
اسپیکر پنجاب اسمبلی ملک محمد احمد خان نے کاغذات کی جانچ پڑتال کی۔
ملک محمد احمد خان نے کہا کہ وزیرِ اعلیٰ کے عہدے کے لیے مریم نواز اور رانا آفتاب احمد خان کے درمیان مقابلہ ہو گا۔
انہوں نے کہا کہ وزیرِ اعلیٰ پنجاب کا انتخاب صبح 11 بجے ہونے والے اجلاس میں ہو گا۔
اس سے قبل وزارت اعلیٰ پنجاب کے لیے سنی اتحاد کونسل کے امیدوار رانا آفتاب نے اسپیکر پنجاب اسمبلی سے ملاقات کی تھی۔
ملاقات میں وزیرِ اعلیٰ کے انتخاب کے معاملے پر تبادلہ خیال کیا گیا تھا۔
گزشتہ روز میڈیا سے بات کرتے ہوئے سنی اتحاد کونسل کے پنجاب کی وزارت اعلیٰ کے لیے امیدوار رانا آفتاب نے کہا تھا کہ ہمارے ارکان کو اسمبلی میں نہیں لایا جا رہا۔
رانا آفتاب کا کہنا تھا کہ ہمارے لیے عہدوں سے زیادہ اپنے کارکنوں کی زندگیاں عزیز ہیں، ہم کل کا انتخاب جیتیں گے۔
انہوں نے کہا کہ قائد ایوان کے انتخاب کے لیے ایوان مکمل نہیں ہے، ہاؤس مکمل کرنے کے لیے ہمارے لوگوں کو آنے دیں۔
