• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی سے افغان ڈکیت گینگ کا سرغنہ ساتھی سمیت گرفتار

آج کا اخبار
اہم خبریں
04 مارچ ، 2024
کراچی(اسٹاف رپورٹر)سی ٹی ڈی انٹیلی جنس کارروائی نے کارروائی کرتے ہوئے افغان ڈکیت گینگ کا مبینہ سرغنہ نجیب اللّٰہ اور صدام کو گرفتار کرکے اسلحہ برآمد کرلیا ہے۔سی ٹی ٹی پولیس کے مطابق ملزمان کراچی شہر میں اسٹریٹ کرائم کے حوالے سے خوف کی علامت سمجھے جاتے تھے، ملزمان کا گروپ10افغانی لڑکوں پر مشتمل ہے، ملزمان کا گروہ دوران ڈکیتی قتل اور اقدام قتل کی کئی وارداتوں میں پولیس کو مطلوب ہے ملزمان کے گروپ کے دو افغانی ڈکیت لڑکوں نے 13 فروری کو دوران ڈکیتی کانسٹیبل واحد کو نارتھ کراچی میں شہید کیا تھا ملزمان نے واحد کو شہید کرنے والے اپنے دونوں ساتھیوں کو سی سی ٹی وی فوٹیج میں شناخت کرلیا ہے ملزمان اس سے قبل سہراب گوٹھ ،گلشن اقبال گلبرک،الفلاح، سچل ،بہادرآباد کے علاقوں میں گرفتار ہوکر جیل کاٹ چکے ہیں،ملزم نجیب اللّٰہ افغانی سچل پولیس کو بھی کئی کیسوں میں مطلوب تھا,ملزم نجیب اللّٰہ تھانہ سچل کے علاقے سے ڈکیتی کے کیسں میں بھی مفرور تھا,ملزمان واردات کے بعد افغانستان فرار ہو جاتے ہیں,ملزمان سے مزید تفتیش جاری ہے۔
اہم خبریں سے مزید