• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محمد بن سلمان کی خصوصی دعوت پر دنیا بھر کے کلیدی مسلم رہنماؤں کا اجتماع

آج کا اخبار
اہم خبریں
16 جون ، 2025
اسلام آباد (طاہر خلیل)ایک ایسے دور میں جب دنیا بھر میں سیاسی تقسیم، نظریاتی اختلافات اور عدم استحکام بڑھتا جا رہا ہے، مسلم دنیا کے مرکز سعودی عرب سے ایک اہم سفارتی پیشرفت سامنے آئی ہے، سعودی ولی عہد شہزادہ محمد بن سلمان نے مسلم دنیا کے کلیدی رہنماؤں کو ایک خصوصی دعوت دی ہے جس کا مقصد مسلم ممالک کے درمیان اتحاد، باہمی تعاون اور حکمت عملی کی ہم آہنگی کو فروغ دینا ہے،قومی اسمبلی کےا سپیکر سردار ایاز صادق نے بھی دعوت میں شرکت کی ہے ، جن کی موجودگی اور رویے کو نہ صرف سفارتی اہمیت حاصل ہوئی بلکہ اسے سادگی، یکجہتی اور روحانیت کی شاندار مثال کے طور پر سراہا جا رہا ہے،شہزادہ محمد بن سلمان کی یہ دعوت ایک ایسے وقت میں دی گئی ہے جب مسلم دنیا جغرافیائی، سیاسی اور مذہبی لحاظ سے متعدد چیلنجز کا سامنا کر رہی ہے، علاقائی تنازعات، انسانی بحران، اسلاموفوبیا اور عالمی سطح پر مسلمانوں کی منفی تصویر کشی جیسے مسائل نے امت مسلمہ کو ایک متحد موقف اختیار کرنے کی ضرورت کی طرف متوجہ کیا ہے،اس ماحول میں سعودی ولی عہد کی طرف سے مسلم قیادت کو ایک پلیٹ فارم پر جمع کرنا نہ صرف ایک دانشمندانہ قدم ہے بلکہ یہ امت مسلمہ کی اجتماعی طاقت کو دوبارہ جگانے کی کوشش بھی ہے،سپیکرایاز صادق کا حالیہ دورہ سعودی عرب بھی اسی تعلق کا حصہ ہے، تاہم اس دورے میں کئی پہلو ایسے ہیں جو اسے خاص بناتے ہیں۔
اہم خبریں سے مزید