• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ارشد ندیم کی اکلوتی جیولن بھی خراب ہوگئی

تازہ ترین
کھیلوں کی خبریں
06 مارچ ، 2024


پیرس اولمپکس میں پاکستان کے میڈل جیتنے کی واحد امید جیولن تھروور ارشد ندیم ہیں، جن کے پاس موجود اکلوتی جیولن بھی خراب ہوگئی۔

پاکستان آخری بار 1992 کے اولمپک گیمز میں کوئی میڈل جیتا تھا، پیرس اولمپکس رواں برس اگست میں منعقد ہوں گے۔

ایک ویب سائٹ سے بات چیت کرتے ہوئے پاکستان کے اسٹار جیولین تھرور ارشد ندیم نے بتایا کہ اُن کے پاس جو جیولن ہے وہ کافی استعمال کے بعد اب عالمی معیار کی نہیں رہی ہے، نئی جیولین کے لیے اُن کے کوچ اور فیڈریشن کوشش کررہی ہے۔

ارشد ندیم کے مطابق ایک جیولین کی قیمت سات سے آٹھ لاکھ کے درمیان ہے جس کے لیے ایک کمپنی سے بات چیت جاری ہے۔

پیرس اولمپکس میں جیولین تھرو کا ایونٹ اگست میں ہوگا، اولمپکس میں شرکت سے پہلے ارشد ندیم جنوبی افریقا میں پانچ ہفتے ٹریننگ کریں گے۔

ارشد ندیم کا کہنا ہے کہ اُن کے پاس ایک ہی عالمی معیار کی جیولین ہے جو اب خراب حالت میں ہے۔

دوسری جانب پیرس اولمپکس میں ارشد ندیم کے حریف بھارت کے نیرج چوپڑا پر اُن کی حکومت ٹریننگ پر کروڑوں روپے خرچ کرچکی ہے، نیرج کے پاس بین الاقومی معیار کی 177 جیولین ہیں۔

کھیلوں کی خبریں سے مزید