• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ن لیگ اور پی پی ایک دوسرے کیلئے بوجھ بن چکے ہیں، علی محمد خان

تازہ ترین
قومی خبریں
09 مارچ ، 2024
فوٹو: فائل
فوٹو: فائل

پاکستان تحریک انصاف (پی ٹی آئی) کے رہنما علی محمد خان نے کہا ہے کہ مسلم لیگ (ن) اور پیپلز پارٹی سیاسی طور پر ایک دوسرے کےلیے بوجھ بن چکے ہیں۔

جیو نیوز کے پروگرام نیا پاکستان میں گفتگو کرتے ہوئے علی محمد خان کا کہنا تھا کہ صدارتی انتخاب کے نتائج کے اعلان کے وقت اسمبلی میں ن لیگ کے 20 ارکان بھی نہیں تھے۔

انہوں نے کہا کہ ن لیگ کی قیادت الیکشن میں اپنی سیٹیں ہاری ہے۔

کے پی اسمبلی سے تمام ووٹ ملے، اپنے صوبے سے ایک بھی نہ ملا، محمود خان اچکزئی

خرید و فروخت کا عمل نہ ہونا خوش آئند اور نئے دور کا آغاز ہے۔ اچھی روایت پڑ چکی ہے، باقی باتیں پارلیمان میں کریں گے، سربراہ پی کے میپ

رہنما پی ٹی آئی نے کہا کہ ہم نے قومی اسمبلی کی 178 نشستیں جیتی ہیں، 17 سیٹ والوں کو مسلط کیا گیا۔

علی محمد خان نے کہا کہ ایک سیاسی صدر سے اختیار دوسرے سیاسی صدر کو جائے گا جو اچھی بات ہے۔ یہ حکومت تو شب خون مار کر آئی ہے ہماری ان سے کیا توقع ہوگی؟

انکا کہنا تھا کہ بغیر مینڈیٹ کے مشرف 8 سال اور ضیا الحق 11 سال بیٹھے رہے ہیں۔

رہنما تحریک انصاف نے یہ بھی کہا کہ شیر افضل مروت نے جو الزام لگایا اس کی تحقیقات ہونی چاہیے۔

قومی خبریں سے مزید