آئی ایم ایف سے نئے معاہدے کے بعد کیا ہوگا؟

07 اپریل ، 2024

حکومتِ پاکستان رواں مالی سال کے اختتام تک آئی ایم ایف کے ساتھ نیا معاہدہ کرنا چاہتی ہے جبکہ آئی ایم ایف کے ڈائریکٹر میڈیا نے نئے پروگرام پر بات چیت کی رضا مندی کا اظہار کیا ہے۔

پاکستان میں معاشی نمو کے لئے ڈالر ہونا ضروری ہے۔ ڈالر ہوں تو باقی دنیا سے چیزیں خرید کر پاکستان لائیں اسے خرچ کریں۔ معاشی نمو بڑھ جائیں گی۔

ڈالر ختم ۔۔۔ نمو ختم ۔۔۔۔ پہنچو آئی ایم ایف کی مدد کو ۔۔۔۔ وفاقی وزیر خزانہ محمد اورنگزیب نے حال ہی میں پاکستان اسٹاک ایکسچینج کے دورے پر ایکسپورٹس بڑھانے کو اس مسئلے کا حل بتایا ہے۔

ایکسپورٹس بڑھانے کے لئے ماحول فراہم کرنا حکومت کی ذمہ داری ہے اور ماحول فراہم کرنے کے لئے کوئی آن آف سوئچ تو ہے نہیں یہ کام مشاورت سے کئے گئے صحیح فیصلوں کا ہے۔

غور طلب بات یہ ہے کہ چاول کی ایک بمپر فصل سے رواں سال میں معاشی نمو بہتر ہوئی ہے اور ایکسپورٹس میں اضافہ ہوا ہے۔

حکومت کا انتظامی ڈھانچہ فعال ہو تو بہت ممکن ہے کہ باقی شعبے بھی چاول کی سی کارکردگی دکھائیں۔

اس لئے عام خیال ہے کہ حکومت کا اصل امتحان آئی ایم ایف کے نئے پروگرام کو حاصل کرنے کے بعد شروع ہوگا۔

تجارتی خبریں سے مزید