فردین خان کی 14 سال بعد اسکرین پر واپسی

بالی ووڈ کے معروف اداکار فردین خان 14 سال بعد اسکرین پر دوبارہ اپنی شاندار اداکاری کے جوہر دکھانے کے لیے تیار ہیں۔

بھارتی میڈیا کی رپورٹ کے مطابق، فردین خان ہدایتکار سنجے لیلا بھنسالی کی ویب سیریز ’ہیرا منڈی: دی ڈائمنڈ بازار‘ میں اداکاری کرتے نظر آئیں گے۔

بھارتی اداکار کی اسکرین پر واپسی کی خبر او ٹی ٹی پلیٹ فارم ’نیٹ فلکس انڈیا‘نے اپنے آفیشل انسٹاگرام پر ایک پوسٹر شیئر کرکے دی ہے۔

اس پوسٹر کے مطابق فردین خان ویب سیریز ’ہیرا منڈی: دی ڈائمنڈ بازار‘ میں ولی محمد کا کردار ادا کریں گے۔

واضح رہے کہ ویب سیریز ’ہیرا منڈی: دی ڈائمنڈ بازار‘ میں آزادی سے پہلے  1940ء کے دور میں درباریوں کی زندگیوں میں محبت اور دھوکا دہی کی کہانی کو پیش کیا گیا ہے۔

’ہیرا منڈی‘ میرے کیرئیر کا سب سے بڑا اور بہترین پروجیکٹ ہے: سنجے لیلا بھنسالی

بالی ووڈ کے نامور ہدایت کار سنجے لیلا بھنسالی نے اپنی نئی ویب سیریز ’ہیرا منڈی‘ کو اپنے کیریئر کا سب سے بڑا پروجیکٹ قرار دے دیا۔

فردین خان کے علاوہ اس ویب سیریز کی کاسٹ میں سوناکشی سنہا، منیشا کوئرالہ، ادیتیہ راؤ حیدری، رچا چڈا اور سنجیدا شیخ شامل ہیں۔

ویب سیریز ’ہیرا منڈی: دی ڈائمنڈ بازار‘ کو 1 مئی سے نیٹ فلکس پر نشر کیا جائے گا۔

 یاد رہے کہ فردین خان کو آخری بار اسکرین پر فلم’دولہا مل گیا‘میں اداکاری کرتے ہوئے دیکھا گیا تھا۔