• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیمپئنز ٹرافی پاکستان میں ہی ہوگی، ہائبرڈ ماڈل کی کوئی بات نہیں، محسن نقوی

آج کا اخبار
اہم خبریں
02 مئی ، 2024
کراچی (اسٹاف رپورٹر) پاکستان کرکٹ بورڈ کے چیئرمین محسن نقوی نے کہا ہے کہ چیمپئنز ٹرافی پاکستان میں ہی ہوگی، کسی موقع پر بھی تیاری نہیں رکے گی۔ بھارتی ٹیم کے نہ آنے یا ٹورنامنٹ پاکستان میں نہ ہونے کی کوئی وجہ نہیں ہے، ہائبرڈ ماڈل کی کوئی بات نہیں ہے، ہم نے شیڈول بھیج دیا ہے، تمام ٹیمیں آئیں گی، بھارت پروپیگنڈا کر رہا ہے۔ ایف آئی والا معاملہ اتنا بڑا نہیں، ادارہ بھی میرے ماتحت ہے، اندرونی طور پر حل کریں گے۔ کراچی میں میڈیا سے گفتگو میں انہوں نے کہا کہ نیشنل اسٹیڈیم میں کام چیمپئنز ٹرافی سے قبل مکمل کرنا ہے، دن رات یہیں بیٹھ جائیں گے، انٹرنیشنل کنسلٹنٹ رکھے ہیں۔ گراؤنڈ اپ گریڈیشن تیزی سے شروع کی ہوئی ہے، لاہور کا قذافی اسٹیڈیم اچھا ہے ، سہولیات بہتر کرنی ہیں، 4،5 ماہ میں گراؤنڈز کو اپ گریڈ کرنا ہے۔
اہم خبریں سے مزید