• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انگلینڈ نے پاکستان کو 7 وکٹ سے شکست دیدی، سیریز بھی جیت لی

آج کا اخبار
اہم خبریں
31 مئی ، 2024
کراچی(اسٹاف رپورٹر)ٹی ٹوئینٹی ورلڈ کپ کےآغاز سے ایک دن قبل پاکستان کو انگلینڈ کے ہاتھوں چوتھے ٹی ٹوئینٹی انٹرنیشنل میں 7وکٹ سے شکست ہوئی۔ورلڈ کپ کی دفاعی چیمپئن نے سیریز دو صفر سے جیت لی۔فل سالٹ 45رنز بناکر آؤٹ ہوگئے,جوزبٹلر39ول جیکس 20رنز بناکر آؤٹ ہوئے۔ جونی بیرسٹو28 اور ہیری بروک 17 رنز بناکر ناٹ آؤٹ رہے۔ قبل ازیں مڈل آرڈر بیٹنگ لائن کی ناکامی کےباعث پاکستانی ٹیم 157 رنز پر آؤٹ ہو گئی۔اوول میں میزبان ٹیم نے ٹاس جیت کر پاکستان کو بیٹنگ کی دعوت دی۔بابر اعظم اور محمد رضوان کی جوڑی نے پاکستان کو 6 اوورز میں 59 رنز کا اچھا آغاز فراہم کیا۔جوفرا آرچر نے 22 گیندوں پر 36 رنز بنانے والے بابر کو آؤٹ کردیا۔اگلے اوور میں عادل رشید 23رنز بنانے والے رضوان کی وکٹ حاصل کی۔فخر زمان9 شاداب خان اور اعظم خان صفر پر آؤٹ ہوئے۔عثمان خان نے21 گیندوں پر 38 رنز بنائے۔افتخار احمد نے 21 جبکہ نسیم شاہ نے 16 رنز بنائے لانگلینڈ کی جانب سے عادل رشید، لیام لیونگسٹن اور مارک وُڈ نے دو، دو وکٹیں حاصل کیں جبکہ معین علی، آرچر اور کرس جارڈن نے ایک، ایک کھلاڑی کو آؤٹ کیا۔
اہم خبریں سے مزید