سپرماریٹوں سے ہزاروں سینڈوچ اور سلاد کی پیکنگ واپس منگوالی گئیں

مانچسٹر(ہارون مرزا)فوڈ پوائزنگ کے بڑھتے خدشات کے پیش نظر واچ ڈاگ نے برطانیہ کی مختلف سپرماریٹوں سے ہزاروں سینڈوچ اور سلاد کی پیکنگ واپس منگوا لیں۔ برطانوی ذرائع ابلاغ کے مطابق 30 مختلف اقسام کے سینڈوچز،ریپس اور سلاد جو وسیع پیمانے پر صحت کے سنگین خدشات کا سبب بن سکتے تھے جو شیلفوں ے اٹھاکئے گئے ہیں ۔فوڈ سیفٹی کے نگرانوں نے گرین کور کی تیار کردہ مصنوعات پر ’’نہ کھاؤ‘‘الرٹ لگا دیا ہے جو روزانہ 1.7ملین سینڈوچ تیار کرتے ہیں اور انہیں دنیا کا سب سے بڑا مینوفیکچرر کہاجاتا ہے۔ یہ خدشہ ہے کہ سات مختلف اسٹورز میں فروخت ہونے والے کچھ بیچز ای کولی سے آلودہ ہو سکتے ہیں۔ ایمازون، ایسڈا، بوسٹ، موری سنز، سانسبری اور ایلڈی جیسے بڑی فرمز پر مذکورہ سینڈویچ کو فروخت کیا جاتا ہے۔ فوڈ اسٹینڈرڈ ایجنسی (ایف ایس اے) نے الرٹ جاری کیا ہے کہ غیر صحت مندانہ سیڈویچ عام طور پر بخار، بیماری اور اسہال کا سبب بنتا ہے اس کی علامات عام طور پر دنوں میں قدرتی طور پر ختم ہو جاتی ہیں۔ ایف ایس اے نے کہا کہ پیکنگ کو واپس منگوانا ایک احتیاطی تدبیر ہے بی ایل ٹی، چکن سلاد اور بری اور بیکن سینڈوچ متاثر ہونے والی مصنوعات میں شامل ہیں دیگر میں ویگن نو ڈک اینڈ ہوزین کے لپیٹے اور جھینگے والے سلاد شامل ہیںالرٹ 14، 15اور 16جون تک کے تمام ڈیٹ کوڈز کو متاثر کرتا ہے۔ ایف ایس اے نے کہا کہ پوائنٹ آف سیل نوٹس جو صارفین کو بتاتے ہیں کہ پروڈکٹ کو کیوں واپس منگوایا جا رہا ہے پروڈکٹ فروخت کرنے والے تمام اسٹورز میں بھی ڈسپلے کیے جائیں گے۔ ایف ایس اے نےصارفین کو متوجہ کرتے ہوئے کہا کہ اگر آپ نے مندرجہ بالا مصنوعات میں سے کوئی خریدی ہے تو اسے نہ کھائیں۔ یہ اقدام بعض افراد کے اسہال کا شکا رہونے اورہسپتال میں داخل ہونے کے بعد اٹھایاگیا ہے یوکے ہیلتھ سیکیورٹی ایجنسی (یو کے ایچ ایس اے) نے پہلے کہا ہے کہ اس کا خیال ہے کہ معاملات قومی طور پر تقسیم شدہ کھانے کی اشیاء یا متعدد کھانے کی اشیاء سے منسلک ہیں لیکن وہ اس کی وجہ کی تحقیقات کر رہے ہیں۔ متاثرین میں دو سال کی عمر کے بچے شامل ہیں حالانکہ اکثریت نوجوان بالغوں کی ہے (ایس ٹی ای سی) بنیادی طور پر آلودہ غذا کھانے سے پھیلتا ہے جیسے کچی سبزیاں جنہیں دھویا نہیں گیا یا صحیح طریقے سے ذخیرہ نہیں کیا گیا یا کم پکا ہوا گوشت، یہ متاثرہ جانوروں یا ان کے پاخانے سے بھی پھیل سکتا ہے یا تو براہ راست یا آلودہ پانی کے ذریعے بھی پھیلا جا سکتا ہے سنگین علامات کے ساتھ ہسپتال میں داخل ہونے والوں میں سے ایک سابق گولف کورس منیجر کرسٹوفر ہومز بھی شامل ہیں۔ انہیں اسہال، الٹی اور پیٹ میں درد کے ساتھ مارگیٹ، کینٹ میں کوئین الزبتھ دی کوئین مدر ہسپتال میں داخل کرایا گیا تھاڈاکٹر ابتدائی طور پر حیران تھے کہ علامات کی وجہ کیا تھی لیکن بعد میں ٹیسٹوں سے معلوم ہوا کہ STEC E.coli سے متاثر ہیں۔