طلباء نوکری کے حصول کی کوشش کے بجائے کاروبار شروع کریں:پروفیسر اشتیاق رجوانہ

ملتان (سٹاف رپورٹر) ایم این ایس زرعی یونیورسٹی میں ڈیپارٹمنٹ آف فوڈ سائنس اینڈ ٹیکنالوجی اور فیکلٹی آف ہوم سائنسز کے زیر اہتمام گریجویشن ڈے کا انعقاد کیا گیا۔اس موقع پر وائس چانسلر پروفیسر ڈاکٹر اشتیاق احمد رجوانہ نے کہا کہ”یونیورسٹی سے فارغ التحصیل طلباء کو چاہئے کہ نوکری کے حصول کی کوشش کرنے کے بجائے اپنا کاروبار شروع کریں”نوکریاں ڈھونڈنے کے بجائے نوکریاں دینے والے بنیں۔ ڈاکٹر باسط نے طلباء و طالبات کو آگاہ کیا کہ وہ مستقبل کے حوالے سے کون کون سے مواقع کا فائدہ اٹھا سکتے ہیں ،پروفیسر ڈاکٹر عمر فاروق نے کہا کہ دو کشتیوں کے مسافر پار نہیں لگا کرتے اس لیے کوئی بھی فیصلہ لینے سے پہلے سوچ لیں تعلیم کے ساتھ نوکری کرنا کافی مشکل ہے۔ چیئرمین ڈیپارٹمنٹ آف فوڈ سائنس اینڈ ٹیکنالوجی ڈاکٹر محمد شہباز نےطلبہ اور مہمانوں میں اسناد تقسیم کیں،اس موقع پر ڈاکٹر شبیر احمد،ڈاکٹر نگت رضا،ڈاکٹر سبط عباس،ڈاکٹر ندا فردوس اور محمد عثمان موجود تھے۔